ARQUERIA seu ARCHERIA

ARQUERIA, seu ARCHERIA

apud recentioris aevi Scriptores, fenestricula oblongior et strictior, in urbium et castrorum muris, per quam sagittarii, velbalistärii sagittas suas aut tela in obsidentes emittebant. Τοξικὴ Harmenopulo l. 2. tit. 4. §. 47. 48. 49. 87. Τοξικὴ θυρὶς, apud Hieronym. ex Symmacho Comm. in Ezech. 40. ita enim hunc locum capiendum censet Fullerus Miscellan. sacr. l. 6. c. 13. apud Car. du Fresne Glossar. Wilhelmus Brito Philippidos l. 1.

---- ---- ---- ---- Muros

Subtus fulciri facit, aptarique fenestras

Strictas et longas, ut strenuus arte latenti

Immittat leti praenuntia tela satelles.